Jaepietjåanghkoe 2011
Buerie båateme Sáminuorran jaepietjåangkoese
Ussjedh, jis DATNE noere saemie fijhkeme mearadidh guktie Saepmie edtja arredh 2025, guktie dov båatije aejkie arreme? Lea goh gåassie doesteme dam nïekedidh?
Mov nïekedasse naemtie: Jaepie 2025 gaajhkh saemien noerh åajsien buerielaakan, dah maehtien jïjtjese jielemen veeljedh jih idtjin daarpesh båasaridh jis buektiedin ståaradidh saemien jielemeninie, maanah mah 20-tallesne veasoeh fijhkieh lïeredh saemien dovne gåatine jih skuvline, Saepmie lea daajve gusnie dovne båaries jih orre jieleme öövtiedovvien jih Sveerjen staate-åajvie ringkieh Sáminuorran åvtehkasse gosse raeriem daarpesje goh edtja nännoestidh maam akt mij saemie noeride doehtede.
Leam åajaldamme maam? Hävvie leam. Bene lea luhpie nïekedidh jih visioneredh jih jis ibie mijjieh daejrie maam sijhtebe dle sjadta gerve uvtedidh. Goh daejrebe maab sijhtebe dle maehtebe gaavnedh strategiem dovhka jaaksedh!
Dan jaepiem aamhtse lea ektine åvtese
Åssjalomme lea mijjieh saemie noerh edtjebe arredh pro-aktijve. Arredh pro-aktijve lea eajhnadovvede guktie mijjiem båatije aejkie edtja arredh. Mijjieh vïssjestovveme jeatjah almetjh ikts mearadin mijjiem jielemen bïjre jih mijjieh utnebe barre nuepie mängan seahkaridh.
Voelpijste, almetjijstie jih aalkoealmetjijstie åahpedh jih inspirasjovnem veedtjedh guktie mijjieh saemieh maehtien uvtiedidh mijjien siebredahkem. Dannasinnie mijjieh dan jaepiem bööreme vearalden aalkoealmetjidie saadth almetjh diekie, govledh sijjen gämpoem värrhtoedimien åvteste. Mijjieh edtjebe aaj abpe vaajmoejne laavloedh, slow-dejtedh jih aaj mieledh what’s up Saepmesne.
Daan jaepien gaavnedibie Tjiehtelisnie!
Vaajmoste heelsegh!
Åajvie Helena Omma jih Sáminuorran stovroen luvhtie
Bieljele jiejtjes mingemes suehpeden 6 biejjem info@saminuorra.org, 070-2488847
Vuartasjidie mijjien hiejmesijjem www.saminuorra.org
Jih bloggem www.saminuorra.wordpress.com
