Sáminuora jahkečoahkkimii 2011

Bures boahtin Sáminuora jahkečoahkkimii

Maid DON nuorra sápmelaš háliidat? Makkárin don siđálivččet iežat boahtteáiggi jus beasalit ieš mearridit? Leatgo goassege duosttan jurddašit dan birra?

Mu niehku livččii sullii ná: 2035 visot sámi nuorat vedjet bures, sii ieža besset válljet iežaset eallinlági eai ge dárbbaš ballat ahte eai birge árbevirolaš sámi ealáhusaiguin, mánát geat šaddet bajás 30-logus besset oahppat sámegiela sihke ruovttuin ja skuvllain Sámi guovlu lea ealli guovlu gos sihke Sámi árbevirolaš ealáhusat ja ođđa áigasaš Sámi ealáhusat ovdánit, Ruoŧa stádaministar riŋge Sáminuora jođiheaddjái go dárbbaša rávvagiid ja go áigo mearrádusaid váldit mat njuolgut gusket sámi nuoraide.

Lean go vájálduhttan maidege? Sihkkarit lea oba olu man birra in leat muitan niegadit! Muhto niegadit lea lohpi, ja jus eat ieža dieđe maid háliidit de lea hui váttis ovdánit. Go álggus leat duosttan niegadit, de sáhttit gávdnat geainnut got oláhit min mihtu.

Dán jagáš fáddá lea ovttas ovddosguvlui.

Jurdda lea ahte mii sámi nuorat dal galgat šaddat pro-aktivat. Pro- aktiiva mearkkaša ahte mii ieža mearridit makkarin mii háliidit iežamet boahtteáiggi. Mii leat gallánan dasa ahte iežát bidjet eavttuid min eallimii, ja ahte mis lea dušše vejolašvuohta maŋŋel oaivvildit.

Ođđa guimmiin, olbmuin ja álgoálbmogiin sáhttit mii oahppat ja oažžut inspirašuvnna got mii sámit galgat ovddidit min servodaga. Danin mii leat dan jahkái bovden ovttastedjiid máilmmi eamiálbmogiin, gullat sin rahčama birra. Mii galgat maiddai beassat geahččalit olles váimmuin lávlut , slow- dejtat, ja gávnnahit what’s up Sámis..

Dan jagi mii čoahkkánit Tjiehtele, Kittelfjällas.

Oaidnaleapmái!
Helena Omma, Jođiheaddji

Dieđit iežat maŋemustá 6 b. miessemánus: info@saminuorra.org, Tel: 0702488847

Geahčas maid min ruovttosiiddu saminuorra.org
ja blogga saminuorra.wordpress.com