Sáminuora birra

Sáminuorra lea dal stuorimus nuoraidorganisašuvdna sámi nuoraide. Mii bargat gárbmudandihte sámi nuoraid beroštumiid ja vuoigatvuođaid. Sámi nuorat orrot guhkkálaga, okta min stuorimus bargguin lea ráhkadit deaivvadanbáikkiid nuoraide. Danin mii lágidit leairraid ja bargat iešguđege ládje doarjut ja ovttasbargat iežá organisašuvnnaiguin, nu gávdnat juohkelágan vejolašvuođaid sámi nuoraide deaivvadit. Min mihttomearri lea ahte sámi nuorat galget dovdat garra sámi identitehta ja gullevašvuođa.

Sámegiella lea guovddažis min barggus ja mii álo geahččalit gávdnat geainnuid nu ahte sámegiella galgá gullot juohke oktavuođas. Sáminuorra lea dehálaš nuoraide sámis, gos sáhttá oažžut inspirašuvnna ja veahki jearaldagaiguin ja váttisvuođaiguin. Go čuovvut áigeguovdilis servvodatjearaldagaid mii háliidit leahkit nuoraidorganisašuvdna geasa sáhttá luohtihit, geat aktiivvalaččat váikkuhit mearrideddjiid vuhtii váldit sámi nuoraid beroštumiid. Sáminuora stivra geahččala váikkuhit gielddaid ja eiseválddiid jođihit áššiid mat gusket sámi nuoraide. Mii bargat sámi iešmearrideami ovttas, vuoigatvuohta mii gullo midjiide sápmelaččaide, eamiálbmogii.   Mii geahččalit ovddidit sámi nuoraid oaiviliid, ovdamearka dihte  miellačájáhusaid ja čállosiid bokte. Sáminuorra bargá maid loktet diđolašvuođa sámiid birra, iežá nuoraid gaskas Ruoŧa servvodagas.

Historjá

Sáminuorra lea nuoraidorganisašuvdna mii lea gávdnon badjel 45 jagi. Sáminuorra lea historjjálaččat doaibman dego politihkkarskuvla. Máŋggas sis geat leat álbmotválljejuvvon Sámediggis leat álgán politihkkariin Sáminuoras. Áiggiid čađa lea Sáminuorra muhtin ládje leamas mielde luovvamis dan sámi servvodaga mii dal lea. Organisašuvdna lea jođihan olu iešguđetlágan prošeavttaid ja maiddái leamas drivande sámi politihkas. Leat omd álggahan vuosttas sámi nuoraidáviissa, dal dan namma lea Nuorat. Áviisa ii leat šat čadnon organisašuvdnii, das lea iežas stivra mii jođiha dan. 70-logu rájes leat ovttasbargan Ruoŧa girkuin lágihit jahkásaš sámi rihppaskuvlaleairra. Sáminuorra lea maiddái váikkuhan iežá sámi organisašuvnnaid, go leat leamas áirasiin stivrraiguin ja bargojoavkkuiguin. Árrat lokteje jearaldaga álggahit nuoraidlávdegotti Sámediggái ja otne Sáminuoras leat guokte ovddasteaddjit das.