Jahketjåhkanibme

Lihttotjåhkalvisán la sebrulattjajn stuorámus máhttelisvuohta bájnatjit mejt Sáminuorra galggá barggat jage sinna. Ietján gå tjålkalvisságastallama vatteduvvi máhttelisvuoda barggat ulmij, oajvvadusáj ja hålaj aktan stivrajn vuojnnnoguovda ja ságastallamjuohkusij baktu.

 

Buoris boahtem Sámenuora lihttotjåhkanibmáj 2010

Le vas ájgge Sáminuora lihttotjåhkanibmáj. Dán bále, Gávtsjavrrien, 7-9 biejve moarmesmánon .
Moarmesmánon áldo njållu. Le gus ájádallam gåk dav diedá? Soajttá áhkkot la dav giehttum dunji, vaj diedá gus juo dav, gå l vuojnnám dajt näbtsutjijt gånnå juolge e guotte. Le gus goassak ájádallam man ållo juo diedá sáme luondo birra? Vaj makkir máhttudahka áhttját, áhkkot vaj ráddnat guoddá? Le gus nágin dunji giehttum man árvulasj dát máhttudahka?

Mijjen eatneme
Dán jage mujttudahttep duv, nuorra sábme, man ájnas duv viessomvuohke, ájádusa ja máhttudahka. Temá dán jahkáj la mijjen eatneme- mijá ednam, mijá häjmma. Mij dáhpáduvvá gå mijá ednam rievddá? Gå dálkke ij la des gåk galggá, ja gå ednama bassku.  Makkir åtsådallama miján li åvdutjis ja mejt galggap vuorddet boahtteájgen? Mejt siskelt dálkkerievddadusá nuorttaguovlo ulmutjijda? Gåk Sámenuorra galggá barggat luondo gatjálvisáj?  Barggojuohkusin oadtjop oahpástuvvat ulmutjij ma barggi luondo gatjálvisáj ja sáme árbbedábij.

Sohppar
Ij la beru bájkke nuortta Sámen, dat la aj dålusj báhko tjåhkanimbájkkáj ja rádedibmáj. Dán jahkáj galggap gähttjalit tjåhkanimteknijkav rievddat. Åvddål lip tjuovvum látte vuogijt ja dahkam gåk sij li mijáv oahppam. Galggap gähttjalit sámevuoge milta barggat, ságastittjat ja rádudallat. Doajvvon jut vaddá dunji ienep máhttelisvuodajt sebrulattjan vájkudit Sámenuorav degu organisasjåvnnå. Lihttotjåhkanibmáj bivddiduvvi aj vuona-, suoma- ja gárjjel sámenuora, de oadtjop barggat rájij rastá.

Dán jage miján li 100 saje lihttotjåhkanibmáj. Diededa nåv ruvva máhttelis! Maŋemus diededimbiejvve, 23 biejve vuoratjismánon.
Mákso 100 kråvnå sebrulattjajda ja 500 kråvna tjieldijda ja siebrijda. Haddáj oattjo räjsov Sámenuora bussajn, årudagáv ja biebmov. Vahkkoloahppa l diedon alkohola dagá!

Vuojnnalip!

Omma Helenas, åvddåulmusj,
ja Sámenuora stivras.

Diededa Sáminuora dåjmadahkaj.
E-påvsstå: saminuorra@same.net
Telefåvnnå: 0980- 821 47