Sáminuoras lea viiddes doaibma man miellahtut mearridit. Sáminuora jahkečoahkkin, mii lea organisašuvnna alimus mearrideaddji orgána, dohkkeha juohke jagi julggaštusa mii muitala makkár áššiid miellahtut háliidit ahte Sáminuorra galgá ovddidit.
Sáminuorra lea juhkkojuvvon vihtta báikkálaš ossodagaide, main lea lagas ovttasbargu miellahtuiguin ja mat lágidit deaivvademiid ja doaluid juohke jagi. Báikkálaš ossodagat dahket báikkálaš deaivvadansajiid sámi nuoraide ja barget áššiiguin mat leat dehálaččat guovllo miellahtuide. Dás leat stuora vejolašvuođat lágidit doaimmaid, sihke stuora ja unna.
Sáminuorra bargá maiddai politihkalaččat áššiiguin mat gusket sámi nuoraide ja sin boahtteáigái. Mii háliidit boktit digaštallama go oidnot ja gullot, sihke sámi servvodagas ja olggobealde. Dát mearkkaša ahte mii dahkat ákšuvnnaid ja čállit debáhttaartihkkaliid medias, muhto maiddai ahte mii lágidit ja searvat miellačájáhusaide, čállit raporttaid eiseválddiide ja riikkaidgaskasaš orgánaide, ovttasbargat iežá álgoálbmogiiguin ja organisašuvnnaiguin ja searvat dasa gos mii sáhttit váikkuhit. Sáminuorra maiddai jođiha máŋga prošeavtta. Loga eanet daid birra ”Prošeakta”-oasis.